ឯកឧត្តម សួន សុម៉ាលីន អភិបាលនៃគណៈអភិបាលខេត្ត បានដឹកនាំឯកឧត្តម អភិបាលរងខេត្ត តំណាងក្រសួងកសិកម្ម រុក្ខាប្រមាញ់ និងនេសាទ លោកនាយករដ្ឋបាលសាលាខេត្ត លោកប្រធានមន្ទីរ កសិកម្ម រុក្ខាប្រមាញ់ និងនេសាទខេត្ត មន្រ្តីជំនាញពាក់ព័ន្ធ បានអញ្ជើញចុះពិនិត្យស្ថានភាពផលដំណាំស្រូវ នៅ ឃុំជីផុច ស្រុកមេសាង..
![](http://fbrtvhotnews.com/wp-content/uploads/2024/07/inbound5267580253280844782-780x450.jpg)
ព្រៃវែង ព្រឹកថ្ងៃទី១៣ ខែកក្កដា ឆ្នាំ២០២៤ ឯកឧត្តម សួន សុម៉ាលីន អភិបាលនៃគណៈអភិបាលខេត្ត បានដឹកនាំឯកឧត្តម អភិបាលរងខេត្ត តំណាងក្រសួងកសិកម្ម រុក្ខាប្រមាញ់ និងនេសាទ លោកនាយករដ្ឋបាលសាលាខេត្ត លោកប្រធានមន្ទីរ កសិកម្ម រុក្ខាប្រមាញ់ និងនេសាទខេត្ត មន្រ្តីជំនាញពាក់ព័ន្ធ បានអញ្ជើញចុះពិនិត្យស្ថានភាពផលដំណាំស្រូវ និងការបាញ់ថ្នាំសម្លាប់សត្វល្អិត របស់បងប្អូនប្រជាកសិករ ដែលបានរងផលប៉ះពាល់ដោយសារ សត្វល្អិត រុយស បំផ្លាញស្ថិតនៅតាមបណ្ដាស្រុកចំនួន២គឺ៖
-ទី១ ស្ថិតនៅក្នុងភូមិព្រៃត្រខុប ឃុំជីផុច ស្រុកមេសាង ខេត្តព្រៃវែង
-ទី២ ស្ថិតនៅក្នុងភូមិកំពង់ត្របែក ឃុំកំពង់ត្របែក ស្រុកកំពង់ត្របែក ខេត្តព្រៃវែង។
ក្នុងឱកាសនោះដែរ ឯកឧត្តមអភិបាលខេត្ត បានណែនាំដល់អាជ្ញាធរមូលដ្ឋាន លោកប្រធានមន្ទីរកសិកម្ម រុក្ខាប្រមាញ់ និងនេសាទ និងមន្ត្រីជំនាញពាក់ព័ន្ធ ត្រូវចុះត្រួតពិនិត្យ និងតាមដានជាប្រចាំ ចំពោះបញ្ហាសត្វល្អិត រុយសនេះ និងសូមអំពាវនាវដល់បងប្អូនប្រជាពលរដ្ឋ ត្រូវរាយការណ៍ជាបន្ទាន់មកអាជ្ញាធរមូលដ្ឋាន នៅពេលដែលបានឃើញមាននូវបញ្ហានេះកើតឡើង ៕