ប្រារព្ធពិធីអបអរសាទរ ខួបលើកទី១៧ ទិវាអតីតយុទ្ធជនកម្ពុជា ក្រោមអធិបតីភាព ឯកឧត្តម អ៊ុន ចាន់ដា អភិបាលខេត្តខេត្តកំពង់ចាម និងជាប្រធានកិត្តិយសគណៈកម្មាធិការសមាគមអតីតយុទ្ធជនកម្ពុជាខេត្ត និងឯកឧត្តម ខ្លូត ផន ប្រធានក្រុមប្រឹក្សាខេត្ត
ខេត្តកំពង់ចាម ប្រារព្ធពិធីអបអរសាទរ ខួបលើកទី១៧ ទិវាអតីតយុទ្ធជនកម្ពុជា
នាព្រឹកថ្ងៃទី១៣ ខែកក្កដា ឆ្នាំ២០២៤ ឯកឧត្តម អ៊ុន ចាន់ដា អភិបាលខេត្តខេត្តកំពង់ចាម និងជាប្រធានកិត្តិយសគណៈកម្មាធិការសមាគមអតីតយុទ្ធជនកម្ពុជាខេត្ត និងឯកឧត្តម ខ្លូត ផន ប្រធានក្រុមប្រឹក្សាខេត្ត បានអញ្ជើញជាគណៈអធិបតីក្នុងពិធីអបអរសាទរខួបលើកទី១៧ ទិវាអតីតយុទ្ធជនកម្ពុជា ដែលធ្វើឡើងនៅសាលាខេត្តកំពង់ចាម។
ឯកឧត្តម អ៊ុន ចាន់ដា បានក្រេីនរំលឹកដល់អតីតយុទ្ធជន ត្រូវយកចិត្តទុកដាក់ថែរក្សាសុខភាពឱ្យបានល្អ ដេីម្បីអាយុយឺនយូរ ដោយប្រេីប្រាស់ប័ណ្ណ បសស ទៅពិនិត្យសុខភាព នៅមន្ទីរពេទ្យឱ្យបានទៀងទាត់ និងធ្វើលំហាត់ប្រាណ រួមទាំងលេបថ្នាំត្រូវទៀងទាត់ ពោលគឺធ្វើយ៉ាងណាឱ្យសុខភាពទាំងផ្លូវកាយ និងសុខភាពផ្លូវចិត្ត ឱ្យល្អប្រសើរឡើងទាំងទ្វេផងដែរ ។
ជាមួយគ្នានោះ ឯកឧត្តម អ៊ុន ចាន់ដា ក៏បាននាំយកអំណោយដ៏ថ្លៃថ្លារបស់ សម្តេចមហាបរវធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជណាចក្រកម្ពុជា និងជាអនុប្រធានទី១ សមាគមអតីតយុទ្ធជនកម្ពុជា ចែកជូនដល់បងប្អូនអតីត យុទ្ធជនទាំង ៣០២នាក់ ដោយក្នុងម្នាក់ៗ ទទួលបានថវិកា ៥ម៉ឺនរៀល អង្ករ ២៥គីឡូ មី១កេស ទឹកត្រី១យួ និងទឹកស៊ីអ៊ីវ១យួ ផងដែរ ។
