លោក គាត ហ៊ុល អភិបាលក្រុងប៉ោយប៉ែត និងលោកស្រី បានចូលរួមដង្ហែអង្គកឋិនទានសាមគ្គី វេរប្រគេនព្រះសង្ឃដែរគង់ចាំវស្សា អស់ត្រីមាស នៅក្នុងពុទ្ធសីមា វត្ត និមិត្ត សុធីរាម (កូនដំរី)
ក្រុងប៉ោយប៉ែត : ថ្ងៃសុក្រ ១៥ កើត ខែកត្តិក
ឆ្នាំរោង ឆស័ក ពស ២៥៦៨ត្រូវនឹងថ្ងៃទី15 ខែវិច្ឆិកា ឆ្នាំ2024 នេះ លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត . និងលោកស្រី លោក ឈាន ចំរើន ប្រធានក្រុមប្រឹក្សា និងលោកស្រី លោក ព្រហ្ម ពិសិដ្ឋ អធិកានគរបាលក្រុងប៉ោយប៉ែត លោក តាន់ គឹមរិទ្ធ សមាជិកក្រុមប្រឹក្សាក្រុង រួមទាំងក្រុមការងារ លោកតាអាចារ្យ គណៈកម្មការ និងពុទ្ធបរិស័ទជិតឆ្ងាយចំណុះជើងវត្ត បានរួមគ្នា ដង្ហែ អង្គកឋិនទានសាមគ្គីដើម្បីបំពេញកឋិនត្ថារកិច្ចតាមព្រះវិន័យ ដែលព្រះសង្ឃគង់ចាំព្រះវស្សាអស់ត្រីមាស នៅក្នុងពុទ្ធសីមាវត្ត និមិត្តសុធីរាម (កូនដំរី) សង្កាត់និមិត្តក្រុងប៉ោយប៉ែត ខេត្តបន្ទាយមានជ័យ ។
បន្ទាប់ពីបានដង្ហែរអង្គកឋិនទានព័ន្ធជុំវិញព្រះហារបីជុំរួចមក លោកអភិបាលក្រុងប៉ោយប៉ែត និង ក្រុមគ្រួសារ ក៏បានរៀបចំធ្វើកិច្ចនៅក្នុងព្រះវិហារ តាមប្រពៃណីទំនៀមទំលាប់ព្រះពុទ្ធសាសនា ក្នុងនោះដោយបាននាំយកនូវគ្រឿងបរិក្ខា និងត្រៃចីវរ ប្រគេនដល់ព្រះសង្ឃដែលគង់ចាំព្រះវស្សាអស់កាលត្រីមាស ផងដែរ ដើម្បីព្រះសង្ឃក្រាលគ្រង និងអនុមោទនា យកផល្លានិសង្ឃតាមសទ្ធាជ្រះថ្លា។ នេះគឺជាអង្គកឋិន ដែលលោក អភិបាលក្រុង ក្រុមគ្រួសា និងក្រុមការងារ ដង្ហែអង្គកឋិនទានទៅវេរប្រគេនដល់ព្រះសង្ឃនោះ ដើម្បីជួយទ្រទ្រង់ក្នុងការកសាងក្នុងវិស័យព្រះពុទ្ធសាសនា ឲ្យមានការរីកចម្រើនផងដែរ
