ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ អមដំណើរដោយលោក ឈឿន ក្រៃយ៉ុង អភិបាលរងខេត្ត បានអញ្ជើញបួងសួង សុំសេចក្ដីសុខសេចក្ដីចម្រើន ជូនដល់ទូក ង សុវណ្ណរាជសី បារមីបន្ទាយមហានគរ (ទូក វត្តគយម៉ែង)និងត្រូវទៅចូលរួមប្រណាំង នៅរាជធានីភ្នំពេញ នៅថ្ងៃទី១៤-១៦ ខែវិច្ឆិកានាពេលខាងមុខនេះ

នៅរសៀលថ្ងៃទី០៩ ខែវិច្ឆិកា ឆ្នាំ២០២៤ ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ អមដំណើរដោយលោក ឈឿន ក្រៃយ៉ុង អភិបាលរងខេត្ត ក្រុមការងារខេត្ត និងស្រុកមង្គលបូរី បានអញ្ជើញបួងសួង សុំសេចក្ដីសុខសេចក្ដីចម្រើន ជូនដល់ទូក ង សុវណ្ណរាជសី បារមីបន្ទាយមហានគរ (ទូក វត្តគយម៉ែង) ដែលទទួលបានចំណាត់ថ្នាក់លេខ១ ក្នុងការប្រណាំងនៅក្នុងខេត្តបន្ទាយមានជ័យកាលពីថ្ងៃទី២៦-២៧ កន្លងទៅ និងត្រូវទៅចូលរួមប្រណាំង នៅរាជធានីភ្នំពេញ នៅថ្ងៃទី១៤-១៦ ខែវិច្ឆិកានាពេលខាងមុខនេះ ក្នុងឱកាសអបអរសាទរព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក។