រថយន្តស្ព័រសេរីទំនើបកៀរជាមួយម៉ូតូបណ្តាលឲ្យបុរសម្នាក់រង របួសធ្ងន់ត្រូវបានបញ្ចូនទៅកាន់មន្ទីរពេទ្យ
November 12, 2024 4
បន្ទាយមានជ័យ៖ រថយន្តស្ព័រម៉ាកកាំរូសេរីទំនើបកៀរជាមួយម៉ូតូបណ្តាលឲ្យអ្នកបើកបរម៉ូតូរងរបួសធ្ងន់ត្រូវបានបញ្ចូនទៅកាន់មន្ទីរពេទ្យដែលកើតឡើងនៅថ្ងៃទី១១ ខែវិច្ឆិកា ឆ្នាំ២០២៤នៅតាមផ្លូវវត្តថ្មី ស្ថិតភូមិបាលិលេយ្យ២ សង្កាត់/ក្រុងប៉ោយប៉ែត ខេត្តបន្ទាយមានជ័យ។
អ្នកឃើញហេតុការណ៍ប្រាប់ថា៖ នៅពេលគ្រោះថ្នាក់ចរាចរណ៍កើតឡើងមានរថយន្តស្ព័រសេរីទំនើប១គ្រឿង ម៉ាក់ឆែរ៉ូឡែត កាំម៉ារូ ពណ៌ស បិទស្គុត ពណ៌ត្រួយចេក ពាក់ផ្លាកលេខភ្នំពេញ2BN-7334 បានបើកបរតាមបណ្តោយផ្លូវវត្តថ្មីក្រោយធនាគារអេស៊ីលីដាទិសដៅពីត្បូងទៅជើង ហើយមានអ្នកជិះម៉ូតូម្នាក់បានបើកបរស្របទិសគ្នា បានកៀរគ្នាបណ្តាលឲ្យបុរសជិះម៉ូតូម្នាក់របួសធ្ងន់ធ្ងរ ដេកសន្លប់ ត្រូវបានបញ្ជូនទៅកាន់មន្ទីរពេទ្យ។
ក្រោយគ្រោះថ្នាក់ចរាចរណ៍កើតឡើងឃើញមន្ត្រីនគរបាលចរាចរណ៍ក្រុងប៉ោយប៉ែត បានមកពិនិត្យវាស់វែងប្រាប់ថាមូលហេតុគ្រោះថ្នាក់កើតឡើងគឺ ភាគីខារថយន្ត អ្នកជិៈម៉ូតូជិះស្របទិសគ្នា ក៏កៀរគ្នាតែម្តង ធ្វើអោយអ្នកជិះបើកបរម៉ូតូរងរបួសធ្ងន់ ត្រូវបញ្ជូនទៅកាន់ មន្ទីរពេទ្យបង្អែកក្រុងប៉ោយប៉ែតដើម្បីព្យាបាល។
មន្ត្រីនគរបាលចរាចរណ៍ពិនិត្យវាស់វែងហើយរថយន្ត និងម៉ូតូត្រូវបានយកទៅរក្សាទុកនៅអធិការដ្ឋាននគរបាលក្រុងប៉ោយប៉ែត ដើម្បីដោះស្រាយគ្នាតាមច្បាប់ចរាចរណ៍ផ្លូវគោក៕
