ឃាត់ខ្លួនជនជាតិចិនម្នាក់ ពីបទឃាតកម្មជំរិតទាប្រាក់ ជនជាតិចិនដូចគ្នាមិនបានសំលាប់យកទៅទំលាក់ទឹកអាងអូខៃដន ក្នុងក្រុងប៉ោយប៉ែត ចំណែកបក្ខពួក៣នាក់ទៀតកំពុងគេចខ្លួន..

បន្ទាយមានជ័យ៖ឃាត់ខ្លួនជនជាតិចិនម្នាក់ពីបទឃាតកម្មជំរិតទាប្រាក់ជនជាតិចិនដូចគ្នាមិនបានសំលាប់យកទៅទំលាក់ទឹកក្នុងចំណោមបក្ខពួក៣នាក់ទៀតកមពុងគេចខ្លួន ត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី០៨ ខែវិច្ឆិការ ឆ្នាំ២០២៤។
លោកវរៈសេនីយ៍ទោ ព្រហ្ម ថេង ប្រធានមន្ទីស្រាវជ្រាវនិងបង្ក្រាបបទល្មើសកងរាជអាវុធហត្ថខេត្តបន្ទាយមានជ័យបានប្រាប់ថា៖ជនសង្ស័យមានឈ្មោះ ស៊ុន ជីជៀ ហៅយ៉ាង យ៉ាង ភេទប្រុសអាយុ៤៨ឆ្នាំស្នាក់នៅបូរីសានកូស្ថិតភូមិ/សង្កាត់ផ្សារកណ្តាល ក្រុងប៉ោយប៉ែត។
លោកបានបញ្ជាក់ថា៖កាលពីថ្ងៃទី៣១ ខែតុលា ឆ្នាំ២០២៤កម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានទទួលពាក្យបណ្តឹងឈ្មោះ ទូច កញ្ញា ហៅហេង ភេទស្រីអាយុ៣១ឆ្នាំ(ជនជាតិខ្មែរ)រស់នៅភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត បានបាត់ប្តីឈ្មោះ ជឹង ហ័រកាង ហៅខាង អាយុ៣១ឆ្នាំ ដែលបានបាត់កាលពីថ្ងៃទី៣០ ខែតុលា ឆ្នាំ២០២៤នៅចំណុចបុរីឌឺផាកស៊ីធីស្ថិតភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត។
លោកវរៈសេនីយ៍ទោ ព្រហ្ម ថេង បានបញ្ជាក់ថា៖ក្រោយទទួលពាក្យបណ្តឹងស្ត្រីរងគ្រោះកម្លាំងមូលដ្ឋានកងរាជអាវុធហត្ថក្រុងប៉ោយប៉ែតបានស្រាវជ្រាវរកឃើញរថយន្ត១គ្រឿងម៉ាក់Rang Roverពាក់ផ្លាក់លេខភ្នំពេញ2BA-8553របស់ជនរងគ្រោះឈ្មោះ ជឹង ហ័រកាង ដែលជារថយន្តរបស់ប្តីខ្លួនក្រោយរកឃើញរថយន្តហើយបានសុំគោលការព្រៈរាជអាជ្ញាអយ្យការអមសាលាដំបូងខេត្តបន្ទាយមានជ័យ យករថយន្តទៅរក្សាទុកនៅទីបញ្ជាការដ្ឋានកងរាជអាវុធហត្ថក្រុងប៉ោយប៉ែត។

លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យបានបញ្ជាក់ថា៖ក្រោយរកឃើញរថយន្តជនរងគ្រោះកម្លាំងជំនាញបានធ្វើការស្រាវជ្រាវហើយទទួលព័ត៌មានប្រជាពលរដ្ឋប្រទៈឃើញសាកសពអណ្តែតទឹកនៅចំណុចអាងអូរខៃដនស្ថិតភូមិសុខសាន្ត សង្កាត់និមិត្ត ក្រុងប៉ោយប៉ែត ក្រោយកម្លាំងនិងមន្ត្រីជំនាញចុះពិនិត្យធ្វើកោសលវិច្ឆ័យគឺសាកសពអណ្តែតទឹកជនជាតិចិនដែលបានបាត់ខ្លួនឈ្មោះ ជឹង ហ័រកាង ហៅខាង ដែលត្រូវបានហើមអណ្តែតទឹកចងជាប់ដុំដែក២ដុំទម្ងន់២០គីឡូក្រាមជាករណីឃាតកម្មសំលាប់ជនរងគ្រោះ។

លោកបានបញ្ជាក់ថា៖ក្រោយរកឃើញសាកសពជនរងគ្រោះកម្លាំងជំនាញបានបន្តស្រាវជ្រាវហើយកំណត់មុខសញ្ញាឃាត់ខ្លួនជនសង្ស័យដែលជាជនជាតិចិនម្នាក់និងរថយន្ត១គ្រឿងម៉ាក់ហ៊ីយិនដាយពាក់ផ្លាក់លេខសៀមរាប2D-2253ពាក់ព័ន្ធឃាតកម្មគិតទុកជាមុនជំរិតទាប្រាក់និងលួចស្ថានទម្ងន់ទោសក្នុងចំណោមបក្ខពួក៣នាក់ដែលកំពុងគេចខ្លួនដែលឃាត់ខ្លួនកាលពីថ្ងៃទី០៥ ខែវិច្ឆិការ ឆ្នាំ២០២៤ស្ថិតភូមិ/សង្កាត់ផ្សារកណ្តាលក្រុងប៉ោយប៉ែត៕