ចា.ក់ស.ម្លា.ប់នារីជាសង្សារ ជាច្រើនកាំបិ.ត បន្ទាប់មកជិះម៉ូតូទៅលោតទឹកស.ម្លា.ប់ខ្លួនតាមក្រោយ..
ថ្ងៃចេញផ្សាយៈ 6,១១, 2024
សៀមរាប៖សាកសពឃាតករ ដែលបានលោតទឹកសម្លាប់ខ្លួនក្រោយពេលសម្លាប់សង្សារបស់ខ្លួន បានរកឃើញហើយក្រោយពេលកើតហេតុ សមត្ថកិច្ចបានធ្វើការ ស្រាវជ្រាវស្វែងរកជនសង្ស័យ រហូតដល់ម៉ោង១៣និង២០នាទី ថ្ងៃទី០៦ ខែវិច្ឆិកា ឆ្នាំ២០២៤។ កម្លាំងសមត្ថកិច្ចបានរកឃើញសាកសពរបស់ជនសង្ស័យ ឈ្មោះ ផាន ជីនី ភេទប្រុស អាយ្២៤ឆ្នាំ រៀនថ្នាក់ទី១២ចប់ រស់នៅភូមិភ្លង់ ឃុំលាងដៃ ស្រុកអង្គរធំ បងស្រី ឈ្មោះ ផាន រត័្ន អាយុ៣៣ឆ្នាំ អ៊ុតសក់ នៅ ភូមិ ឃុំ ខាងលើ បានបញ្ជាក់ថាជនសង្ស័យមកលោតទឹកសម្លាប់ខ្លួននៅទំនប់ទឹក ស្ថិតក្នុងភូមិនគរក្រៅ សង្កាត់គោកចក ក្រុង ខេត្តសៀមរាប នៅក្រោយពេលសម្លាប់សង្សារបស់ខ្លួន ។
តាមការបញ្ជាក់របស់លោកវរសេនីយ៍ឯក សុខ ម៉េង អ៊ាង ប្រធានការិយាល័យនគរបាលព្រហ្ម ទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាបបានឲ្យដឹងថា យុវតី ជានិស្សិតឆ្នាំទី៤ ផ្នែកច្បាប់ម្នាក់ ត្រូវបានសង្សា ចាក់សម្លាប់ចំនួន ២៣ កាំបិតនៅក្នុងផ្ទះ បណ្តាលឲ្យស្លាប់ ខណៈនៅពេលបញ្ជូនទៅកាន់មន្ទីរ ពេទ្យបង្អែកខេត្តសៀមរាប ចំណែកឯ ជនសង្ស័យជា(សង្សារ)បានជិះម៉ូតូ រត់គេចខ្លួន និងយកម៉ូតូទៅប្លុងចោលនៅត្រង់ចំណុចក្បែរខ្លោងទ្វារតាកៅ ខាងលិចក្រុងអង្គរធំ និង ស្បែកជើង ទុកចោលនៅមាត់ទឹក ស្ថិតក្នុងភូមិគោកតាចាន់ សង្កាត់គោកចក ក្រុង ខេត្តសៀមរាប ។
ក្នុងហេតុការណ៍ឃាតកម្មគិតទុកជាមុននេះ បានកើតឡើងនៅវេលាម៉ោង ០៨និង០០នាទី ព្រឹកថ្ងៃទី០៦ ខែវិច្ឆិការ ឆ្នាំ២០២៤ ត្រង់ចំណុចតូបលក់កាហ្វេ របស់ជនរងគ្រោះ តាមបណ្ដោយផ្លូវព្រលានយន្តហោះចាស់ ស្ថិតក្នុងភូមិគោកដូង សង្កាត់ទឹកវិល ក្រុងសៀមរាប។
បានបន្តទៀតថា ជនសង្ស័យ ឈ្មោះ ផាន ជីនី ភេទប្រុស អាយុ ២៤ឆ្នាំ មុខរបរអ្នកឌីហ្សាញ រស់នៅភូមិភ្លង់ ឃុំលាងដៃ ស្រុកអង្គរធំ ខេត្តសៀមរាប ជាអតីតសង្សារចាស់របស់ជនរងគ្រោះ បានធ្វើសកម្មភាពយកកាំបិតចុងស្រួច ចាក់ទៅលើជនរងគ្រោះ ឈ្មោះ វណ្ណ សុភ័ក្តតា ភេទស្រី អាយុ ២៣ឆ្នាំ មុខរបរ លក់កាហ្វេ ជានិស្សិតឆ្នាំទី៤ ផ្នែកច្បាប់បច្ចុប្បន្នរស់ភូមិគោកដូង សង្កាត់ទឹកវិល ក្រុង ខេត្តសៀមរាប ខណះពេលដែលជនរងគ្រោះមកបើកតូបលក់កាហ្វេ ជន សង្ស័យបានជិះម៉ូតូមក ហើយចូលធ្វើសកម្មភាព យកកាំបិតចុងស្រួច ចាក់ទៅលើជនរងគ្រោះជាច្រើនកាំបិត បណ្តាលឲ្យរងរបួសធ្ងន់ ក្រោយពេលបញ្ជូនទៅដល់មន្ទីពេទ្យបង្អែកខេត្តសៀមរាប ក៏បានស្លាប់បាត់បង់ជីវិត ។
ចំណែកជនសង្ស័យ ក្រោយពេលធ្វើសកម្មភាពហើយបានជិះម៉ូតូគេចខ្លួនបាត់ ។
បច្ចុប្បន្ន សព ជនសង្ស័យ ត្រូវបានកម្លាំងនគរបាលជំនាញ សហការជាមួយ កម្លាំងនគរបាលការិយាល័យបច្ចេកទេស ធ្វើកោសល្យវិច័យ ដើម្បីប្រគល់សព ជូនក្រុមគ្រួសារ យកទៅធ្វើបុណ្យតាមប្រពៃណី នៅល្ងាចនេះ ៕
